ఉజ్జివకూటములు
బాప్టిస్ట్ చర్చి అక్కయ్యపాలెం
వాక్యపరిచర్య Rev.K.డేనియల్ గారు
Topic:విశ్వాసము వృద్ధిపొందించుట ఎలా?
లూకా 17:1-5., 5 అపొస్తలులుమా విశ్వాసము వృద్ధిపొందించుమని ప్రభువుతో చెప్పగా
**చదవబడిన దేవుని మాటలు మనకు క్రొత్తవికాదు గాని అనేక మార్లు మనకు భోదించబడినవి, కానీ ప్రభువు ఈరోజు మరొక్కసారి మాట్లాడటానికి ఎదురుచూస్తున్నారు.
**మనం దేవుని వాక్యంలో అపొస్తలలులైన 12మంది శిష్యులు ప్రభువు వద్దకు వచ్చి తమ విశ్వాసము వృద్ధిపొందించుమని అడుగుతున్నట్లుగా మనం గమనించవచ్చు.
**ఈ వాక్యం ద్వారా దేవుడు మనలను మన విశ్వాసమును ప్రశ్నించుకోవాలి అని మాట్లాడుతున్నాడు.
**విశ్వాసం అని అంటే నమ్మకం అని, ఈ విశ్వాసం అని అంటే విశ్వాసమనునది నిరీక్షింపబడువాటియొక్క నిజ స్వరూపమును, అదృశ్యమైనవి యున్నవనుటకు రుజువునై యున్నది.
**అసలు నిజమైన విశ్వాసం అంటే మనం పూర్తిగా ప్రభువు మీద ఆధారపడటం
మనలను మనం పూర్తిగా ప్రభువుకు అప్పగించుకోవటం నిజమైన విశ్వాసం కలిగి ఉండటం.
ఈరోజున మన విశ్వాసం మరియు సంఘము విశ్వాసం ఎలా ఉన్నది అని గమనిస్తే
1తిమోతికి 4:1-2
1 అయితే కడవరి దినములలో కొందరు అబద్ధికుల వేషధారణవలన మోసపరచు ఆత్మలయందును
2 దయ్యముల బోధయందును లక్ష్యముంచి, విశ్వాస భ్రష్టులగుదురని ఆత్మ తేటగా చెప్పుచున్నాడు.
ఈ రోజున సంఘము విశ్వాసంలో బలహీన స్థితిలో, విశ్వాసంలో చెడిపోయిన స్థితిలో ఉన్నది.
ఈరోజున విశ్వాసంలో మనం ఎలా ఉండాలి, ఎలా ఉన్నామో చుస్తే
2 కొరింథీ11:12
12 అతిశయకారణము వెదకువారు ఏవిషయములో అతిశయించుచున్నారో, ఆ విషయములో వారును మావలెనే యున్నారని కనబడునిమిత్తము వారికి కారణము దొరకకుండ కొట్టివేయుటకు,
**విశ్వాసంలో సరళత లేక తొలగిపోవుచున్నాము, మనకు మన ప్రభువే తొలి స్థానంలో ఉన్నాడని చెప్పగలిగే విశ్వాసం మనం కలిగి ఉండాలి.
**ఎల్లప్పుడూ మన ప్రభువు మనతో ఉన్నాడని మన ప్రభువును మనం చూడగలిగే విశ్వాసం మనకు ఉండాలి.
ఈ విశ్వాసం లేకుండా దేవుని చూడటం అసాధ్యం కనుక మన విశ్వాసాన్ని పరీక్షించుకోవలసిన అవసరం ఎంతైనా ఉంది,అని దేవుని వాక్యం చెప్తుంది.
2 కొరింథీ13:5
5 మీరు విశ్వాసముగలవారై యున్నారో లేదో మిమ్మును మీరే శోధించుకొని చూచు కొనుడి; మిమ్మును మీరే పరీక్షించుకొనుడి; మీరు భ్రష్టులు కానియెడల యేసుక్రీస్తు మీలో నున్నాడని మిమ్మును గూర్చి మీరే యెరుగరా?
**కనుక మనము మంచి విశ్వాసి అని అవునో కాదో మనలను మనం పరిశీలించుకోవాలి.
ఈ విశ్వాసాన్ని ఎలా వృద్ధిపొందించుకోవాలో ప్రభువు మనకు కొన్ని సమాధానాలు మనకు ఉపమానరూపంలో చెప్పారు.
ఈరోజున మనం ఈ విశ్వాసాన్ని వృద్ధిపొందించుకోవటానికి ఏమి చేయాలి ఏమి కలిగి ఉండాలి.
1.మొదటిగ నిజమైన విశ్వాసంలో పరిపూర్ణమైన దీనత్వం కలిగి ఉండాలి.
లూకా 17:10
10 అటువలె మీరును మీకు ఆజ్ఞాపింపబడినవన్నియు చేసిన తరువాతమేము నిష్‌ప్రయోజకులమైన దాసులము, మేము చేయవలసినవే చేసియున్నామని చెప్పుడనెను.
**మనం నిష్‌ప్రయోజకులమైన దాసులము అనే పరిపూర్ణమైన దీనత్వం కలిగిఉండటమే విశ్వాసంలో మొదటి మెట్టు.
**మనలో తగ్గింపు స్వభావం కలిగి ఉండాలి.
దావీదు తనను తాను తగ్గించుకొని దేవుని యందు కనుపరిచిన విశ్వాసమును మనం దేవుని వాక్యంలో గమనించవచ్చు
1దినవృత్తాంతములు29:14
14 ఈ ప్రకారము మనఃపూర్వకముగా ఇచ్చు సామర్థ్యము మాకుండుటకు నేనెంత మాత్రపువాడను? నా జనులెంత మాత్రపువారు? సమస్తమును నీవలననే కలిగెను గదా? నీ స్వసంపాద్యములో కొంత మేము నీకిచ్చి యున్నాము.
1దినవృత్తాంతములు22:14
14 ఇదిగో నేను నా కష్టస్థితిలోనే ప్రయాసపడి యెహోవా మందిరము కొరకు రెండులక్షల మణుగుల బంగారమును పదికోట్ల మణుగుల వెండిని తూచ శక్యముకానంత విస్తార మైన యిత్తడిని యినుమును సమకూర్చియున్నాను; మ్రాను లను రాళ్లను కూర్చియుంచితిని; నీవు ఇంకను సంపా దించుదువుగాక.
**దావీదు అంతటి తగ్గింపు స్వభావం, దేవుని యందు దావీదు అంతటి గొప్ప విశ్వాసం మనం కలిగి ఉండాలి.
2.రెండవదిగా కృతజ్ఞత అనే ఆత్మ కలిగిన వాడే నిజమైన విశ్వాసి
లూకా17:17-18
17 అందుకు యేసుపదిమంది శుద్ధులైరి కారా; ఆ తొమ్మండుగురు ఎక్కడ?
18 ఈ అన్యుడు తప్ప దేవుని మహిమపరచుటకు తిరిగి వచ్చినవాడెవడును అగపడలేదా అని చెప్పి
**మనకు విశ్వాసి అని చెప్పడానికి దేవుని యందు కృతజ్ఞత కలిగి ఉండాలి.
**మానవ బంధాలలో మనం బలహీన పడిపోకుండా బలమైన విశ్వాసం కలిగి ఉండాలి.
**దేవుడు చేసిన
మేలు యందు
కృతజ్ఞత కలిగిఉండాలి.
3.మూడవదిగా క్రమం తప్పకుండ ప్రార్దించే లక్షణం కలిగి ఉండాలి.
లూకా18:7
7 దేవుడు తాను ఏర్పరచుకొనిన వారు దివారాత్రులు తన్నుగూర్చి మొఱ్ఱపెట్టుకొను చుండగా వారికి న్యాయము తీర్చడా?
**ఒక విశ్వాసికి ఉండవలసిన ముక్ష్య లక్షణం దివారాత్రులు దేవునికి ప్రార్దించువారిగా ఉండాలి.
**విశ్వాసి విసుగక నిత్యం ప్రార్ధించాలి, ఆలా ప్రార్ధన కలిగి ఉండటం అని అంటే మన ప్రభువుతో సమయం గడపటం.
**ఈరోజున చాల మందికి ప్రార్ధనకై సమయం లేని స్థితిలో ఉంటున్నాము మనలను మనం పరిశీలించుకోవాలి.
**మన అవసరాలలోనే కాదుగాని అన్ని
సమయము లందు
మనం ప్రార్దించువారిగా ఉండాలి.
**ఈ రోజున సంఘములో మన విశ్వాస పరిమాణం ఎంతో మనం పరిశీలించుకోవాలి.
మన విశ్వాసంలో వృద్ధిపొందాలి, మనలను మార్చగలిగే దేవుడు మన యేసయ్య అట్టి కృప మన అందరికి ఇవ్వాలని ఆశిస్తూ.
దేవునికి మహిమ కలుగును గాక ఆమెన్..
యేసయ్య ఈ మాటలను దీవించును గాక ఆమెన్..